ТОҶ  /  РУС  /  ENG

Осорхона

Осорхонаи Донишкада - яке аз воҳидҳои сохтории Донишкадаи давлатии забонҳои Тоҷикистон ба номи Сотим Улуғзода буда, бо ташаббуси роҳбарияти донишкада моҳи сентябри соли 2016 таъсис дода шудааст.

Ҳадаф:

Инъикоси таърихи муассиса, дастовардҳои донишкада ва муаррифии маҳсули илмии олимони донишкада.

Мақсад ва вазифаҳои осорхона ҷамъоварӣ, нигоҳдории бозёфт, бақайдгирии ҳуҷҷатҳо, коллексиякунонӣ, ҳифз ва истифодаи дурусти мавод, ташкил ва такмили фонди осорхонавӣ, таҳияи барномаҳои соҳавӣ, ба намоиш гузоштани ёдгориҳои таърихию фарҳангии Донишкада ва зерсохторҳои он мебошад.

Баҳри расидан ба ин мақсад осорхона вазифаҳои зеринро амалӣ мекунад:

- тарғибу ташвиқи фонди осорхона, ҷалби устодону кормандон ва донишҷӯён ҷиҳати ҷамъоварии мероси таърихӣ-фарҳангӣ, илмии марбут ба тахассуси факултетҳои Донишкада ва маводи дорои арзиши миллӣ ва умумибашарӣ;

- дар ҳамкорӣ бо устодони кафедраи таърих ва назарияи иқтисоди Донишкада ҷамъоварии ёдгориҳо тавассути ташкили ҳафриёт, экспедитсияҳои мардумшиносӣ, ҷамъоварӣ, тибқи муқаррарот ба роҳ мондани хариди ёдгориҳо, ҳамчун туҳфа қабул кардани ёдгориҳои марбут ба соҳаи маориф ва фарҳанг;

- таҳқиқи ашёи осорхонавӣ ва коллексияҳои осорхонавӣ;

- ҳифз ва истифодаи дурусти ашёи осорхонавӣ ва коллексияҳои осорхонавӣ тибқи муқаррарот;

- пешкаши тамошобинон, меҳмонон, омӯзгорон ва донишҷӯён гардонидани фонди Осорхона дар шакли экспозитсия, намоишҳои сайёру муваққатӣ, маводи чопӣ ва аудиовизалӣ;

- ҳамкории шарномавӣ бо ашхоси воқеӣ ва ҳуқуқии ватанию хориҷӣ;

- ташкили сафарҳои хизматӣ бо мақсади корҳои таҳқиқотӣ, омӯзишӣ, ҳамкорӣ дар асоси шартномаи тарафайн, ва расонидани ёрии методӣ бо дигар осорхонаҳои муассисаҳои таҳсилоти олии касбӣ;

- бо ҷалби мутахассисони соҳа ташкил ва гузаронидани конференсия, семинар, симпозиумҳо;

- таҳияи феҳристҳо, буклетҳо, албомҳо роҳнамоҳо ҷиҳати тариби маводи Осорхона;

- барои мукаммал намудани донишҳои тахассусии донишҷӯён дар ҳамкорӣ бо факултетҳои Донишкада ташкил кардани суҳбат-лексияҳо;

- омода кардани баста (пакет)-и иттилоотӣ оид ба фаъолияти кории собиқ устодони факултетҳо, устодони соҳибтаҷриба, ки ҳоло низ ба фаъолияти таълимӣ-илмӣ машғул мебошанд, инчунин хатмкардагони Донишкада, ки имрӯз дар вазифаҳои гуногуни роҳбарикунанда фаъолият доранд.