ТОҶ  /  РУС  /  ENG

Маркази хизматрасонии техникӣ ва коммуникатсионӣ

Яке аз сохторҳои амалкунандаи Донишкадаи давлатии забонҳои Тоҷикистон ба номи Сотим Улуғзода ин маркази хизматрасонии техникӣ ва коммуникатсионӣ мебошад, ки бо қарори Шурои олимони донишкада №1/4-1 аз 29.08.2016 бо фарогирии 4 воҳиди корӣ – сардори марказ, сармутахассис ва ду воҳиди мутахассис таъсис дода шудааст. 

Ҳадаф аз таъсисдиҳии чунин марказ расидан ба нақшаву барномаҳои технологияи иттилоотии замони муосир ва таъмин намудани робитаи иртиботии сохторҳои донишкада тавассути шабакаи саросарии интернет ва таъмини техникии синфхонаҳои комютерии муассиса мебошад. 

Марказ инчунин ҷиҳати такмили гардиши ҳуҷҷатҳо дар донишкада тавассути почтаҳои дохилӣ чораандешӣ намуда, баҳри дар амал татбиқ намудани онҳо тадбирҳои мушаххасро амалӣ менамояд. 

Марказ фаъолияти худро дар ҳамкорӣ бо раёсат, шуъба, бахш, факултет, кафедра ва дигар сохторҳои донишкада ба роҳ монда дар назди раёсати таълим масъул мебошад. 

Кормандони марказ ҳангоми фаъолият санадҳои меъёрёрии ҳуқуқии соҳаи техникаву технологияи замони муосирро сармашқи кори худ қарор медиҳанд.

Ҳайати мутахассисони марказ тартиби истифодаи дурусту манфиатбахши технологияҳои замони навро дар ҳар як сохтори донишкада ба таври мунтазам назорат, таҳлилу ташхис ва аз санҷиш гузаронида, барои истифодаи беҳтару мақсадноки он аз ҷониби омӯзгорону мутахассисон пешниҳоду тавсияи муфиду асоснок мекунанд, ки саҳми босазои онҳо дар татбиқи сиёсати ҳукумати электронӣ дар донишкада мебошад.

Аз моҳи октябри соли 2018 Наботов Зафар сардории маркази Хизматрасонии техникӣ ва коммуникатсионии донишкадаро ба уҳда дорад. 

Имрӯз дар марказ сармутахассис Қурбонов Нурхон, кормандони техникӣ, Муллоҷонов Муҳаммад ва Парвиз Абдулҳаев кору фаъолият мекунанд.